MIN PHATSAN!!

"Han RINAWM em em ringawt mai ila" ti a ka thurual puite'n min phatsan ta phauh phauh mai...Ka in ngaihtuah chian hian he tiang rinawmna neilo thian kalo nei hi vanduai pawh ka inti ve khawp.
Hei November-thla kan chhuangkai ve leh ta rup mai chu a nia...Rilru pawn Bethlehem lam a hawi a hawi leh ta ruih mai. Hetih hunah hian ania Tlangsam leh Kawihthuang ten Lalthar chibai buk nan tiin an par mawina an rawn chhuah tan a, Sava ten an par zu thlum tak mai chu hlim takin an tlan thin a ni a, keinin chung savate chu perh thlak tumin sairawkherh nen kan veh thin a nih kha. E khai, ka sawi thui lutuk dawn zoram ngaih a tizual e.
Hmanni kan hmanzawh tak khuangchawithlate, thlahleinga zante kha entin hmang ve cheu mo ka hrelo. Ka hman danah hian rinhlelhawm a awm anih chuan, ka hmanpuite zawh ka huam e. Keizawng rinawmna ngaisang mi ka ni si a. Ka thianpa VaiVa-lah chuan namen lohin min phatsan ta..Phone battery-zo thrak thrak pawh a, han in mate pawhin nin zai an rel thei lo. Ka thurualpui zingah chuan ka rin ve ber pawl a ni a sin mole. Hetiang em em hian a ni maw in phatsanna a lo thlen mai chu le. Amah vangin hei, ka mobile pawh a khuasik char char mai. A biangno-i hlimthla kan download-a, ka phoneah antivirus alo awm silova, virus-chu a lut ta ngei a. Ka phone chuan a neitupa thu a awih thei ta tlatlo mai. Tu emaw vangin ka mob hian natna khirh tak a tawk mek a ni. Clinic arang thei ang ber in pan pui a ngai a ni. Mahse, he kan VaiVa thurawn min pek hi chu ka pawm dawnlo hrih phawt..(phuba lakna duhna rilru a neih duh takin!!). Vanneihthlak takin ka thawn bo ngai reng reng lovin, tuifinriat lamah min zinsan hrih.
Kan thliarkar (islander)-lah saw, a awmna velah a tlei theilo a ni tih chiangtakin a hriat. Pendrive 1 GB Rs. 2000-vela a lei tur ka khap kha ka in chhir khop mai, awmna hmun a zir hian thil man a in anglo tih hrerual chu a ni ve toh. Hmana kan tiam ho lai pawh khan ri ret ret a awm an ti.
Kan Kartuunlawma pawh hi in ti ngaih tha fahran hian a leng a. A ngaihdan chuan, keinin sawi tul kan tih hi, ani chuan tul a ti vek lem lo a ni. A promotion-hmu pawh karkhat a liam hnu-ah a thenawmpa in a hre ve chauh. A sawi dan chuan, "A ho e," a ti. Bible-in, "engmahlo mai alo ni e" a tih hi a changthlan tur ni awm tak a ni. A ni takngial pawhin Big Bazaar-mi Teddy Beer lian tha leng lawng Rs. 1500 a thawnchhoh tur a lei a ni awm e.
Rilru in ar bo a zawng tak meuh meuh a ni. Hetia ka thiante'n min phatsan hnuah hian, tu pawl nge ka zawm ve ang tiin ka rilru a buai kher mai. Kan mumbai MMA hruaitute pawh ka rawn ve hial a ni. Thian rinawm, phatsan ngailo tur leh, nakum kum lo thar leh turah pawh a ngai ang pat a rinawmtur mi leh a kum lo thar leh zel tur atan pawh a rinawm tur mi min kawhhmuh a, an chungah ka lawm khawp mai. Mahse, an ni hian min tel tir phal ve ange maw...Tunah tak hian an pawl zinga Tv. Maruata pawh mumbaiah a rawn kir leh dawn a ni awm e. Tichuan, heng ka thianthar tur te chu,TV. Mafaka, TV. Rosema, TV Mapuia, TV. James, TV. Maruata, TV. Matluangtea leh Vashi lam atangin TV. Dinate an ni a. An zinga ka tel phawt chuan min phatsan mai mai dawnlo tih min hrilh. Han rinawm em em phawt mai ila, Nupui Fanau an ngaihtuah awm lo deuh. tih kan thupui tur a ni awm e.

"Ruang a chhuak ta em ni" ti hiala tap a, lungchhia in...

Aw a hun leh ni kohkir leh theih nise. Tlai dar 7:00 a ni. Office ka bang, ka han inbual zo chu, chair-ah thuin music ka ngaithla a. Tichuan, ka music ngaihtlak lai chu ron tawpin phone call ka dawng hi a lo ni a. Ka han pickup a, ka thianpa nen chuan kan han in be tan ta a..A tirah chuan, hnalamah an buaizia leh a blog-pawh a update hmanloh thu te min han hrilh nual a. Kei, a hman zawk pawh hi engmah ziah tur ka nei silo tiin thuhma kan han nei a. Aw...khalai a,..aw zangkhai tak mai kha kava ngaithla leh chak em kei misual hian!!!..Engtik hunah nge kan neihve ang tih pawh kan hriatloh leh kan naupan lai chuan, hetiang hi khawvelah a awm ve tih pawh kan hriatloh mobile changkang tak mai a lei thar thu min han hrilh anih kha..In biak a nuamin kanva hlim dun tak em!! Tichuan, in hmuhhlan nghakhlel tak chuan kan in mangtha anih kha maw..!!

"Zankhua a sei, chhun ni a rei thin..., tiin in hmuh hlan ngawt chu ka nghakhlel a. Tichuan, Sunday a lo ni a, inkhawm turin kan han in sawm a. Biak In ah chuan kei aiin alo thleng hmasa a, alo thu vang tawh mai a. Kei lah pek chuan inla puithu takin Bible leh Hlabu keng hian, a thutna hmalam chu ka pan a, ka kal pel phei nghauh nghauh mai a. Aw.., khang hunlai te khan ngatinge a bulah khan ka thut mai loh le...In khawm kan han bang a. Biak In sir, thinglian pui mai bulah chuan kan han in kuah phei a.. Khatih laia kan hlim dun zia kha..vantirhkoh tawng pawhin a hrilhfiah zo lo. A kut vei lamin thingpui no a kenga, lehlam chu ipte chhungah chuan zen lutin mobile chu a hum rauh rauh mai a..(Chhiartu ten minlo hriat thiam ka beisei, ka chhunzawm thei tlat lo...A thu a ulh deuh nge, keimah ka ulh deuh pawh ka hrelo)

Hun alo kal zel a, vanduainate kan tawng ang tih pawh hriatlohin, kan hunte hi kan hmang liam ve zung zung mai hi a lo ni a..Tlai lam dar 7:00 vel tho ani..phone call-ka dawng leh a. A ni, chumi hunlai tak chuan thuthinthawng tak mai ka dawn tak ni. Ka thianpa chuan, a mobile chu vanduai thlak tak mai chuan diesel-ah alo ti tla hlauh mai a. Mahse, ala function-thu leh tlem a zawng fiahlo a awm avangin siam a ngaihthu min han hrilh anih kha!!..Tichuan, siamtha turin High Street Phoenix (Big Bazaar)-lamah chuan a rawn kal phei a. Keilah chuan, hmanhmawh baklengin Birthday Party-na a kal turin ka lo zu zawng a. A phone-pawh siamtha hmanlo bawk chuan ka han hruai phei leh ta nghal a.kei misual hian...!! Enteh, chutih lai chuan a bag chhungah chuan Goa-lam atanga Wine thami, min rawn hawn chu thlantla hnap hian a la rawn ak bawk a. Ka tana a inpekna leh kan pahniha kan awm duna kan hlim dun ziate ka ngaihtuahin bat nasa tak ka nei tih chu ka in chhut ve thei tawk a ni.

Tichuan, 9th,October,2007 (Tuesday)-dar 8:30-velah chuan phone ka dawng leh a. "A mobile a tihchhiatna ah hian thui tak ka inrawlh ve a ni"...Rawn tlakloh lutuk thianpa a nei hi, vanduai kava ti tak em!!... Keilah pek chuan, zankhua a battery charge-turin ka han hrilh ve a. A tuk zingah chuan chhiat namenloh hian a lo chhe tawh a ni. A khawlpui a nung tawhlo hrim hrim..Hei hi keimah vang a ni. Tun tum, kan han in bia hi chu, kan aw pawh a thawp sat tawh a ni..Tichuan e, “Big Bazaar-ah bawk chuan, siamtir turin a rawn chhuah leh thu te min han hrilh a. Mahse, a siam thatu turte chuan, "He mobile-hi a siam that theih tawh loh." tiin an lo chhang ta a ni. Tichuan, haw kawngahte bike-in anla accident ta deuh deuh tihte ka han hria a, Kei a thianpa rawntlak loh lutuk hian, zahpawh dawn lovin, Mobile siamna dawrah chuan “Ruang a chhuak ta em ni!!" ti hial a tapa, lungchhiain ka thinpa chu ka siam ta...

Sawlam leh Helam Inkhelh (Inpuahchahna Report).

Kan lo thut khawm laih lai tak mai hian, phone a rawn ri a, “Tv. Saia leh Tv. Mapuia (Navi Mumbai leh Belapur tlangvalte) ten an rawn phone zing tawh sia, engtin nge kan tih ang” tiin hmanni lawk a tlangval ber leh peih ber thin, Pu LRa (Sports Secy) chuan min rawn phone hlawm a. “Eng thil nge ni ta a?” kan lo ti awlsam et a. “E, In la hre ve nange?”, nitin deuh thaw min rawn phone a,”Engtik ah nge kan in khelh theih dawn an rawn ti reng mai, football ah in in daih dawn lo anih pawh in, duh leh basketball in tan phawt ila, in nau te ho kan chawk phur te te anga, chuan football chu hun remchang in hman hun ah pawh a la tih theih tho alawm, an rawn chhen mai”, a ti a. “Navi Mumbai leh Belapur ho chu kan phur tawh teh mai ania, in in daih loh pawn, New Mumbai lampang ami kan pe then ang che u” an tia, a rawn ti a. “Chutiang a nih te chuan midang ho hrilh kual la, a rang thei ang ber in inkhel ila ani mai lawm, midang ho an hman te chuan ka peih reng alawm” kan lo ti liam ve mai a. Zan lampang ah Pu LRa kan va phone leh a, engtin nge an lo tih tak a, kan inkhel dawn ta em?” kan va tia. A ni chuan “Ka va hrilh a, kan lo in zawngkhawm anga, tun Inrinni (8th September 2007) ah hian inkhel ila, in hman chuan. Keini pawh in daih hram kan lo tum dawn nia” ka va tia, a rawn ti a. Sai-a te chuan “E khai a, in inpeih remchang vak lo anih te chuan, a khelh mai mai chu kan peih vak lo ania, keini phei chu tlai tin kan inkhel leh nghal a, kan rawn ri phei huk dawn a nia” a rawn tia, mahse inkhel ngei ngei tur in kan in hrilh kha, a ti a. Chutichuan in khel thei ngei tur chuan kan in buatsaih ta a, engzat nge kan nih theih ang, kan han tia, kan han indap nghal char char a, Rosema Colney a awm rengchang lo an lo ti, Pu Michael-a a thlawk an lo ti leh bawk nen, James-a lah committee ah ka buai dawn a lo ti bawk nen. Khelh thei ve ngei kan duh sia, kan in zawng char char chu a ni deuh ber e. Vanneih thlak tak main, Andheri lam atangin Tv. Matluangtea te an lo hman hlauh mai a, Navy lam atangin TBC-a te, Tv. Johnny (Powai), South Mumbai College students ho Hriatpuia, Kima, Thantea, Fela te leh an thiandang te chuan kan lo in zawng khawm ange an ti bawk a, kan thaw ta huai a, kan kim ve dawn hi ti in. Ground hman tur kan Sports Secretary in an buaipui nghal char char a, Bombay Port Trust Ground, tuma hman ngai loh, tha lutuk mai, a rawn hmu hlauh mai a, kan lawm kher mai. Tin, qualified referee leh linesmen (MDFA – Mumbai Football League a ham chin thrah) an awm thei bawk ang, a rawn ti leh a, “E, tun tum chu ruah sur lo se aw” kan han ti nghal vawng vawng a. Hlauh ang ngei in, kan inkhelh dawn hma zan ah chuan ruah a rawn sur chiam ta mai a, keini lo phur ve laklawh tawh chuan kan Sports Secy chu kan va phone chhen mai a. “New Mumbai ho chu an lo thulh rinawt ange, va confirm leh the a” kan va tia, a ni chuan “E, nichin ah ka phone daih tawh, Sai-a leh Mapuia te ka phone ve ve a, zan dar 11 vel ah ka phone a, local PCO atangin an lo mu ve ve tawh” a rawn ti a. Ka kaitho a, tunge ka nih tih an hre silova, “In va mu hma ve” ka tia, “naktuk ah kan inkhel dawn a, vawiin chu hei hma deuh a mut theuh tur kan tia”, an rawn tia, a tia, chutichuan ngaihtha tak in kan in khelh ngei dawn hi, tiin mahni buai buai in kan han buai chhunzawm leh nghal a. “An phur dan em em chu, an tha viau dawn anih hi” lo ti tawk an awm nual bawk.A tuk zing a lo nia, hlauh ang ngei main, kan ground hman tur chu waterlogging nasat lutuk vang in a hman theih dawn loh tih kan han hre leh a, New Mumbai lam in zing kar atangin an rawn phone chhen mai bawk sia, kan Sports Secy chuan ground dang hman tur a han ngaihven leh nghal char char a. Vanneih thlak tak in South Mumbai a ground tha ber pawl, nitin newspaper vel ah pawh an rawn tih lan ve ziah thin MSSA Sports Ground ah chuan kan inkhel thei dawn ta hlauh mai a, kan lawm hlawm kher mai. He ground ah hian official football matches a awm ve reng avangin, inkhelh hun tur min pek chu a hun kan bawh pelh ang tih hlau deuh hian kan in phone kual chhen bawk a. Navi Mumbai ho kan va han phone leh chuan,”kan lo kal tren tren mai”, an ti a. An va han tam dawn ve aw, kan han tih nak nak lai chuan, Pu LRa, a ni experience lo nei teuh tawh chuan, “an lo kal tren tren dawn an ti hlei nem, local train (lokal tren) ah an rawn chuang phei mek anih chu” a rawn ti fel et a. A ni nge nge, a tlangval lai khan a lo dai zauvin a lo dai hnem tawh a, thil a hre ngei mai.

To be concludedComing up:Final Report: Sawlam leh Helam Inkhelh (Inkhelh Report).

Courtesy: Tv. Mapuia MBA

Navi Mumbai Versus South Mumbai

Tunkar kalta inrinni (8th Sept, 2007) khan Navi Mumbai-a Mizo awmte leh South Mumbaia Mizo awmte chuan Football ropui tak mai an khela. Navi Mumbai lam hi an Captain Tv. Mapuia'n a rawn huikhawma. Tin, South Mumbai lam hi Tv. awh khaih..Pu LR an min tel pui bawk ani.
In khel tan hma in boruak pawh a tang tha hle mai, mipui lam atangin au thawm hriat tur a awm reng a ni. Senior players Tv. Mapuia MBA, Matlungtea, leh Pu Michael-ate mipuiin an lawm hle. Pu Michaela pawh a nupui Victoria..oh..Mary'n a rawn tawiawm bawk ani.
Tin, Navy-lam atangin Mumbai First Divison-a khel lai Tv. TBC-a pawh in min rawn telpuia..boruak a siam hle bawk ani.
In khel an tan chiah tihin, Navi Mumbai lamin an nawr nghal phat maia. Mahse South Mumbai defence leh Goalkeeper Tv. Kima'n nalh tak maiin alo save a. Navi Mumbai lam an chhe tha viau dawn a alang laiin South Mumbai lamin an nawr ve leh a. Tan atanga minutes 15-na ah South Mumbai lamin goal an thun ta a..Navi Mumbai goalkeeper Tv. Saia'n a save zo ta lo ani..Mipui thawm a tha hle.

Hun remchangah ziah chhunzawm ani ang.